على مسرح العمليات
جمعها : ا.د. حازم العكاوى
زميل كلية الجزارين الملكية ، ماى آى بالاس.
كلمات وجمل ماتزعلش حد، إلا لو سمعتها من دكتور وإنت فى أوضة العمليات. خصوصا لو كنت الوحيد اللى نايم على ضهرك
يالهوى!
هييييه، النور جه!
طيب إذا كان ده البنكرياس، امال اللى طلعناه ده يبقى إيه؟
حد شاف الدبله بتاعتى؟
طب أقوله ايه لما يفوق؟ وزعلان انى سقطتك 3 مرات فى الماجستير!
الحق يابنى القطه اللى جريت بالعضمه دى ، خليها ترجعها رجل الراجل من سكات!
ياما ربنا بيخلق عجايب، ماحدش معاه كاميرا يا إخواننا؟
ولا حركه، محدش يخيط، انا مش لاقى الكونتاكن لنسز بتاعتى!
ياجماعه، تعرفوا إذا كان حد عاش بعد ما خد 500 مللى من الهباب ده؟
شيل ايدك، الحاله دى بتاعتى انا، ولا هى الكحكه فى إيد اليتيم عجبه!
آه ياعينى ! والله ما أنا سايبك!
حد يسكت الزفت اللى بيدق ده، مش مخلينى عارف اركز!
لأ حأشتغل، انا صحيح نسيتها، بس يعنى بأعرف أشوف طشاش من غيرها!
جاى تقوللى واحنا بنقفل إن مش ده المريض اللى داخل يشيل البروستاتا!
يأخى سيبك من دلع الخواجات ده ، المشرط مش تلم ولا حاجه!
|
